Tu/tru Ungarii
aromâńiľi avură compani di comerţ. Cu păradziľiă ţi amintară adrară nai ma
importantili monumenti, casi şă 20 biseriţi,
ca tră exemplu Bise(a)rica di Miscolc, hiindalui luyursită una di cama muşatili
dit Europa Centrală. Aromâńiľi adrară Budapesta clădiri/construcţi di cama
importantili (maş famiľia Mocioni avea 17 cu ma multi paturi/etajuri, născânti
di aţeali ira proiectati di architecţi avdzâţ tu/tru aţel chiro/timp. Palatu ma
muşat di Capitala Ungariei/Ungară fu adrată dit aromânu Nacu.
Greţiľi dit Ungaria
ira buńi comerţanţi/emburi. Eľi adrarĺ multi companii mixti tog/deadun cu
aromâńiľi diştepţi şă talentaţi di ac(l)o. Tutnăoară hindalui di idea pistei
ortodoxă, comunitatea al aromâńilor şă aţea a greţilor di Pesta adrară
stog/deadun tu/tru anu 1788 prima/prota Biserică Ortodoxă Greco-Valahică.
Gentălmeńiľi/nicuchiriľi Aromâńi căftară ma-amanat ca s-lu dădea un preft ta
s-u făţea slujba/lituryia pi limba aromână/macedono-vlahă. Tu/tru aist chiro
işără năndau ncăce(a)ri/ngrăńuri namisa di comunitatea greacă şă aţăľiei
aromână di Pesta, ama ţi până tu soni si-achicăsiră şă aleapsiră un preft grec
şă un aromân, ţi u făţea ghivăse(a)rea pi arada, pi doauă-li limbi: greaca şă
aromâna.
Doauă-li
mileti/popoari avură tu ahurhită ună şcoală greacă-valahă/vlahă.Tu/tru anu 1808
lu si deadi ndreptu al aromâńilor s-avea ună şcoală valahă/vlahă ahoryea di
aţeau gărţească. Aşă fu adrată Şcoală Normală Macedono-Romănă di Pesta ţi/tră
cari cercetătoarea Maria Bereny dzâţi că fu agiutată multu di partea a nicuchirilor
livendz aromâńi di Pesta (ca: Gherghe Simeon Sina, Emanuil Gojdu).
Emanuil Gojdu si-amintâ tu 9 di şcurtu al anui 1802, Oradea (Romănia),
dit ună fumeaľiă aromână, origina dit Moscopolea famo(a)să. Bitisi facultatea
di drept di Oradea şă Pojon. S-dusi dapoea Pesta iu ahurhi cariera ca avocat.
Pit/pit(r)u proţesili amintati cu capabilitatea a lui agiumsi ayońea si s-facă
ună numă mult cunuscută. Fu alapt membru tu/tru Casa a Mańaţilor (tră
legjislativu ali Ungarei).
Agiută mult ti/tră
modernizarea ali leghislaturiľiei Ungareză/Maghiară şă fu primu ţi căftâ s-hibă
alăcsită limba Latină cu aţea(u) maghiară/ungareză tu/tru arada a proţesilor
dit giudicată.
Cu păradziľi ţi li
amintâ dit proţesili giudicătoasi (di giudicată) acumpurâ multi casi tu/tru
centru di căsăbâ, năndauă ciflichii, livâdzi şă ma multi axioni pit/pit(r)u
bânţili. Ninga di tinir intrâ tu/tru în legătură cu scriitoriľi ungarii, lucrâ
până li căndăsi să scriia/s-anyrăpsea stihuri pi limba maghiară/ungareză,
stihuri ţi/cari fură tipusiti tu anu 1826. Tutaşâ Gojdu s-duţea ş(a)-la salonu
di literatură/literar ţi s-ţănea la casa al Atanasie Grabovski, un alt mari
aromân.
Aoa li cunuscu
corifeľiă di Şcoala Ardeľiană şă tut aoa ligă ună soţiľiă/soţietati strimtâ cu
aţel cai/ţi agiumsi si s-facă Mitropolitu ali Transilvaniei şă Ungariei, marili
Andrei Şaguna dit părinţi aromâńi di Mişcolc.
„Sub influenţa al
ideilor di Şcoala Latinistă mviţaţiľiă aromâńi cilăstăsiră s-ducă ninti lucru
ahurhit di Ucuta, caftând s-bagă thimeľiu ti/tră scriiarea/anyrăpse(a)rea tu
grailu di dadă ti/trâ aromâńiľi al Balcanului, ş-cum ti coloniili
aromăne(a)şti/aromâni di Vienna, Buda, Pesta, Transilvania” – scriia Maria
Bereny tu/tru studiul a ľiei ti/tră colonia Macedono-Romănă di Pesta.
Ună mărtirii sânt
cârţili al/a lu Boiagi şă Roja ama şă multi manuscrisii tu/tru graiulu
aromănescu scriisi di alţi autori sânt tradusi/trătur(n)ati ş-adunati di
Grabovski.
Emanuil Gojdu
ndoapără aisti tipuse(a)ri pi aromăne(a)şti. Ma-aşă Gojdu agiuta axiunili
culturali di Budapesta.
Deadunlucra la
revistili „Vivlioteca Romăne(a)scă” al Stefan Niagoie. Băgâ thimeľiu ali
suţatăľiei ti/tră limba ş-cultura romăne(a)scă „ASTRA”(di Sibiu) cum ş-ali
Şcoalei di Arti şă Zănâţi di Budapesta ţi agiumsi ma-amănat Politehnică.
De(a)di păradz ti/tră
adrarea al unu Liceului tu/tru cetatea/căsăbâlu Lugoj (Romănia) şă ma-aşă el
adră tu 1861 „Comitetu a Tinirilor Jurişti” di la Universitatea di Pesta.
Tu/tru anu 1832 s-nsurâ cu Atanasia Pometa, cu cari/cai avu ună feata, Maria
Cornelia, ţi muri când ira un an di dzâli.
Dit aţea oară, Gojdu
căfta s-agiută cu tut ţi putu, tiniriľi Româńi ţi yinea ti/tră studii
Budapesta. Casa a lui ira discľisă ti/tră mviţaţiľi şă tiniriľi ţi avea ananghă
di agiutor. „A casă zbura cu xeniľi pi limba a lor, cu româńiľi zbura
romăne(a)şti, dipicând/iara cu aromâńiľi şă cu famiľia zbura pi aromane(a)sti”
– scriia avocatu Partenie Cosma, ţi u cunuscu ghini pi Gojdu. „Ira
pirifan/măndar di sarţina a lui ş-ti aţea că eara/ira di pistea ortodoxă”. Anda
şidea la masă s-făţea cruţea eara ti/tră paşti, cănta „Hristolu Anye” cu mari
vreari.
Ca bun
cristin-ortodox deadi mulţ păradz/bańi ti/tră biseriţili ţi li adrară
comerţianţiľi aromâńi tu/tru Budapesta. El işa tu/tru luńină ş(ă)-tu bana
politică. Fu la Comitatu Suprem di Lugoj, deputat di Tinca (Bihor) alumtăndalui
ti/tră ndrepturili al româńilor dit Imperiul Habsburghicu. Ama duchi că
importanţa ma mari prindi s-ľi si da ali culturiľiei, lucru ţi (l)u-adrâ până
tu/tru oara di soni când ncli’si ocľii la 3 di şcurt(u) anu 1870. Fu ngrupat
tu/tru dzua di 5 di şcurtu cu mari tiniiă, la mormintul Kerepesi di Budapesta.
Un an ninti s-moarâ
adrâ un Testament pit/pitru cari spusi că cum lipsea s-ľi si mparţa averea. Ună
parti di aveari ľu alăsă a nicuchirăľei a doaua (căţe prima ľi avea moartă). Cu
partea alantă di aveari si s-adrâ ună Fundaţi/Fondation ţi s-ľu purta numa, şă
ţi care s-ira chivernisită dit Capitu a Bisericăľei Ortodoxă Română. Fundaţia
„Gojdu” avea ca scop ta s-ndupura cultura şă pistea ortodoxă.
El pistupsea că maş
pit/pit(r)u unâ elită mviţată putea să ninteadzâ un popor/mileti. Gojdu tu/tru
Testamentu a lui nintividea s-dădea multi bursi ti/tră mviţearea a tinilor ţi
nu avea păradz, ama ţi s-avea mirachă mari ti/tră studii şă ta s-ira dit pistea
ortodoxă.
Testamentu fu discľis
dit Mitropolitu Andrei Şaguna, ţi fe(a)ţi parti dit prima reprezentanţă di
cumandăsearea a Fundaţiľei „Gojdu”, luyursită una di cama mârili fundaţi
privati tu/tru Imperiul Austro-Ungar.
Fundaţia „Gojdu”
lucrâ namisa di ańiľi 1870-1952, tu/tru aist chiro averea criscundalui pit/prit
capitalizarea al acsiunilor di la bânţili/maghiari. Dit ahurhita s-până la
Polimu a doauă-lea Mondial, Fundaţia „Gojdu” deadi 37.778 di bursi şă agiutoari
ti/tră elevi, studenţi, doctoranţi. Ma mult di 1.200 di bursieri „Gojdu”
mviţară la Universitâţili şă Academiili di Cluj, Budapesta, Vienna, Schemintz,
Berlin, Zyrih, Karlsruhe, Jenes. Dit arada a lor işâră oamińi di Ştiinţă avdzâţ
tu/tru tută Lumea ca ti exemplu: Octavian Goga, Victor Babes, Traian Vuia,
Dumitru Stăniloaie...
Tutnăoară ti/tră
Polimu Fundaţia „Gojdu” deadi mulţ păradz ti/tră guvernu Ungarez ţi/care ira tu
zori. Dupu primu Polim Mondial avearea a Fundaţiľei arămasi tu/tru Ungari, ama
reprezentanţa ira ninga Sibiu. Dupu asprâdzerea a Monarhiiľei Austro-Ungareză,
pit Tratatulu di Trianon (1920) Ungaria tăxea că va s-mpărţa averea a româńilor
Ortodoxi di Romănia (90%), di Iugoslavia (6%), Cehoslovacia (6%), şă dit
Ungaria (4%).
Tu/tru anu 1952,
pit/pitru un nom comunist Ungar, Fundaţia „Gojdu” fu naţionalizată. Activitatea
a ľiei em tu Romănia em tu/tru Ungaria fu oprită/stamată. Averea a Fundaţiľei
„Gojdu” di BudaPesta ira adrată di 8 (optu) clădiri cu trei etajuri aflati
tu/tru un pasaj ţi/care treaţi dit geadea Kiraly nr. 13 pânâ la geadea Dob nr.
16; casa di pi geadea Hollo nr. 8, 600.000 coroani vecľi Ungari; multi axiuni
la bânţili/bânchili şă alti luyurii cu valoari...