Në një rezolutë të miratuar të martën, eurodeputetët theksojnë se deri në fund të vitit 2022, Këshilli duhet të marrë të gjitha masat e nevojshme për të miratuar vendimin për pranimin e Rumanisë dhe Bullgarisë në zonën Shengen të lëvizjes së lirë. Kjo duhet të sigurojë heqjen e kontrolleve mbi njerëzit në të gjithë kufijtë e brendshëm për të dy shtetet anëtare në pjesën e parë të vitit 2023. Rezoluta u miratua me 547 vota pro, 49 kundër dhe 43 abstenime.
Duke vënë në dukje se zona Shengen është "një nga arritjet më të mëdha të Bashkimit Europian", eurodeputetët kritikojnë faktin se vendet anëtare nuk kanë marrë ende një vendim për pranimin e Bullgarisë dhe Rumanisë, megjithëse të dy vendet kanë përmbushur prej kohësh kushtet e nevojshme. Ruajtja e kontrolleve të kufirit të brendshëm është diskriminuese dhe ka një ndikim negativ në jetën e punëtorëve të lëvizshëm dhe qytetarëve, sipas eurodeputetëve. Bllokimi i importeve, eksporteve dhe lëvizja e lirë e mallrave nga portet dëmton gjithashtu tregun e vetëm të BE-së, thuhet në deklaratën e Parlamentit Europian.
