David Popoviç (David Popovici) theu rekord pas rekordi në Romë dhe u shpall atleti më i mirë në garat për meshkuj në Kampionatin Europian të Notit, njofton Federata Rumune e Notit dhe Pentathlon Modern.
Renditja është bërë në bazë të pikëve, bazuar në paraqitjet që sportistët kanë pasur në garat e zhvilluar në këtë kampionat. Në kategorinë e meshkujve, David arriti gjithsej 1003 pikë, bazuar në pikët e marra në finalen e 100m stil i lirë (46,86 s - rekord i ri botëror për të rriturit) dhe u pasua në renditje nga Mykhaylo Romanchuk (Ukrainë) - 982 pikë dhe nga Thomas Ceccon (Itali) – 979 pikë. Në kategorinë e femrave titulli i takoi lituanezes Ruta Meilutyte, e cila arriti në 985 pikë.
David Popovici u tërhoq nga finalja e 400 metrave stil i lirë në Kampionatin Europian të Romës pas një vendimi të marrë nga traineri dhe stafi i tij për të mos rrezikuar ndonjë dëmtim për shkak të ngarkesës së madhe të muskujve të tij. Atleti ishte kualifikuar i katërti në radhë për këtë garë.
